დემოკრატიული მოძრაობა - ერთიანი საქართველოს ლიდერი, ნინო ბურჯანაძე სამარცხვინოს უწოდებს საქართველოს ხელისუფლების წევრების განცხადებას, რომ რუსეთთან მოლაპარაკებებს აზრი აქვს. ამის შესახებ ბურჯანაძემ პრესკონფერენციაზე განაცხადა.

"ეს არის დანაშაულებრივი პოზიცია და კიდევ ერთხელ ვეუბნები საქართველოს მოსახლეობას და ვაფრთხილებ, თუ ჩვენ ამ უგუნურ პოლიტიკას გავაგრძელებთ და არ დაველაპარაკებით რუსეთის უმაღლეს ხელისუფლებას შეიძლება დღევანდელი სანატრელი გაგვიხდეს. ამას სრული პასუხისმგებლობით ვაცხადებ," - ამბობს ბურჯანაძე.

გუშინ, 12 ივლისს, ლავროვმა ბელგიის საგარეო საქმეთა მინისტრთან გამართულ ერთობლივ პრესკონფერენციაზე განაცხადა, რომ რუსეთი მზადაა სხვადასხვა დონეზე დაამყაროს კონტაქტები საქართველოსთან. დღეს, 13 ივლისს კი საქართველოს თავდაცვის მინისტრმა, ლევან იზორიამ განაცხადა, რომ რუსეთთან პირდაპირი დიალოგის ფორმატი "ამ ეტაპზე გამორიცხულია".