საგარეო საქმეთა სამინისტროს ინფორმაციით, ინდოეთის მოქალაქეს, რომელმაც ფეისბუკიდან საქართველოს ელჩს ინდოეთში, არჩილ ძულიაშვილს, მიმართა და თბილისის აეროპორტში მომუშავეები რასიზმში დაადანაშაულა, საელჩოდან უკვე ესაუბრნენ.

როგორც უწყებაში On.ge-ს უთხრეს, საგარეო საქმეთა სამინისტრო ქუშბუ კაუშალისა და არჩილ ძულიაშვილის შეხვედრაზე უკვე მუშაობს.

კაუშალის თქმით, მას თავისი შვებულების გატარება საქართველოში სურდა, თუმცა როგორც ამბობს, აეროპორტში დამამცირებლად მოექცნენ და ინდოეთში დააბრუნეს.