მეწყერი შოვში გუშინ, 3 აგვისტოს ჩამოწვა. სასტუმრო სანსეტი შოვში მცხოვრები მოქალაქეები ადგილიდან ვიდეოებს ავრცელებდნენ და მედიასთან იქ არსებულ ვითარებაზე ჰყვებოდნენ.

• ამბობდნენ, რომ ყველა მხრიდან არიან შემოსაზღვრული, გასასვლელი არ არის და სამაშველო ვერტმფრენის არმისვლის შემთხვევაში მოსალოდნელ საფრთხეზე საუბრობდნენ.
• უცნობი იყო იმ სხვა პირების ბედი, რომლებიც ასევე იმყოფებოდნენ სტიქიის ადგილას.
• ვერტმფრენი ამ შეტყობინებებიდან დაახლოებით 3 საათში გამოჩნდა. ამის შესახებ შსს-მა განცხადება გამოაქვეყნა.
• მიუხედავად ამისა, გამოცემა მთის ამბებს 20 წუთის შემდეგ სწერდნენ, რომ მათთან დასახმარებლად ჯერ კიდევ არავინ იყო მისული.
• მოგვიანებით, მოქალაქეების ევაკუაცია დაიწყო და მალევე გავრცელდა ინფორმაცია, რომ ადგილზე ორი ადამიანის ცხედარი აღმოაჩინეს.
• ადგილზე სამაშველო ოპერაცია ვერტმფრენებით დაბნელებისთანავე შეწყდა და მაშველები ისე აგრძელებდნენ სამძებრო სამუშაოებს.
• გუშინდელი ოფიციალური ცნობების თანახმად, კონტაქტზე არ გამოდიოდა 50 ადამიანი, რის შემდეგაც ინფრასტრუქტურის მინისტრმა, ირაკლი ქარსელაძემ თქვა, რომ 6 მათგანთან დაკავშირება მოხერხდა და ისინი უსაფრთხო ადგილას გადაიყვანეს.

რას ამბობენ ვერტმფრენებზე: გუშინ ღამით, საგანგებო სიტუაციების მართვის სამსახურის უფროსმა თემურ მღებრიშვილმა თქვა, რომ ინფორმაცია სტიქიის შესახებ 15 საათსა და 10 წუთზე მიიღეს, რის შემდეგაც "დაუყოვნებვლივ დაიგეგმა ვერტფრენების ჩართულობა".

• "მოგეხსენებათ, რომ ამას სჭირდება გარკვეული პერიოდი, გარდა ამისა, ამინდმაც შეგვიშალა გარკვეულწილად ხელი".
• როგორც მან განაცხადა, ასეთ რთულ ხეობაში, "რაც არ უნდა აღჭურვილი იყოს ვერტმფრენი, ძალიან გაჭირდებოდა" მუშობა.
• "იმაზე მეტ საქმეს, რასც ახლა ადგილზე მყოფი მეხანძრე-მაშველები აკეთებენ, ვერტმფრენი ვერ გააკეთებს, კიდევ და კიდევ, გამომდინარე რთული რელიეფიდან".
• ვერტმფენების თემაზე ჰკითხეს ინფრასტრუქტურის მინისტრსაც. მან მედიას მოუწოდა, "ნუ შეეცდებიან რაღაც მიზეზების მოძებნას, როდესაც კეთდება აბსოლუტურად მაქსიმალური ძალისხმევა".
• როგორც მან თქვა, ვერტმფრენს აქვს შესაბამისი სამობილიზიაო პერიოდი და შეტყობინების შემოსვლიდან უმოკლეს ვადაში პირველი ვერტმფრენი ადგილზე იყო.
• "შეტყობინების შემოსვლიდან მყისიერად მოხდა რეაგირება, 2 წუთიან ინტერვალზე არის საუბარი, როდესაც ადგილობრივი სამაშველო ჯგუფი უკვე იმყოფებოდა სტიქიის ზონაში. გარდა ამისა, 400 მაშველი არის ჩართული ამ ოპერაციაში. შესაბამისად, საუბარი იმაზე, რომ თითქოს რაღაცამ დაიგვიანა, ზედმეტია", — ამბობს ის.

უკვე დღეს შსს-ში განაცხადეს, რომ დილის 06:00 საათიდან სამაშველო ღონისძიებები კვლავ 2 ვერტმფრენით განაახლეს — მობილიზებულია შესაბამისი ტექნიკაც.

• ამასთან, მათივე ცნობით, სამაშველო სამუშოებში ჩართულია საგანგებო სიტუაციების მართვის სამსახურის კინოლოგთა ჯგუფი, რომლებიც სპეციალურად გაწვრთნილი ძაღლებით მუშაობენ სტიქიის ზონაში.
• უწყებაში თქვეს, რომ სტიქიის ზონიდან ამ დრომდე უსაფრთხო ადგილას გადაყვანილია 140 ადამიანი.
• ცოტა ხნის წინ რაჭა-ლეჩხუმის რწმუნებულმა მედიასთან განაცხადა, რომ ჯამში მათი რიცხვი 210-ია.
• ცოტა ხნის წინ, ასევე, ოფიციალურად დადასტურდა, რომ კიდევ 4 ადამიანის ცხედარი იპოვეს.

კიდევ რა ვიცით ამ დრომდე შსს-ში ამბობენ, რომ ადგილობრივ მერიაში შექმნილია საკოორდინაციო შტაბი, რომელთანაც მუდმივ კავშირზეა სტიქიის წონაში მოწყობილი საველე შტაბი და ადგილზე გეოლოგებიც მუშაობენ.

• საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა, რომ ყველა ეპიცენტრში იყვნენ შესული, გარდა რამდენიმე ლოკაციისა და მდინარის კალაპოტის ორივე მხრიდან გრძელდება ძებნა.
• "სადაც კოტეჯები არსებობდა, იქ, ფაქტობრივად, აღარაფერია. არის კოტეჯების ფრაგმენტები, სადაც ჯერ-ჯერობით ვერ მივედი, იმიტომ, რომ ძალიან სქელი ფენაა მიწის მასის და იფლობიან ადამიანები".

მოქალაქეები ოჯახის წევრებს ეძებენ. ქალი აცხადებს, რომ ვერ ეკონტაქტება შვილსა და 3 შვილიშვილს, რომლებიც შოვში დასასვენებლად იყვნენ ჩასული.

• გარდა ამისა, გუშინ კიდევ ერთი მოქალაქე საუბრობდა იმაზე, რომ ცოლსა და სამ მცირეწლოვან შვილს ეძებს.
• კიდევ ერთი მოქალაქე ოჯახის 9 წევრთან ვერ ახერხებს კონტაქტს. შ
• ქარსელაძე ამბობს, რომ 35 ადამიანთან ვერ ხერხდება დაკავშირება.
• მოქალაქეები საკუთარი ძალებით ცდილობენ ამ დრომდე დაკარგული ადამიანების პოვნას.