საზოგადოებრივმა ორგანიზაციამ ღია საზოგადოების ფონდის გამოცემით, შეფასების დოკუმენტი სტატუსმეტრი კიდევ ერთხელ მოამზადა.

რატომ არის მნიშვნელოვანი: ევროკომისიამ საქართველოს 12 რეკომენდაცია წარუდგინა, რომ საქართველოს მიენიჭოს ევროპული პერსპექტივა, ხოლო კანდიდატის სტატუსი — მხოლოდ იმ შემთხვევაში, თუ ის გარკვეულ პირობებს შეასრულებს.

  • ამ პირობებს შორისაა დეოლიგარქიზაცია, დამოუკიდებელი სასამართლო სისტემის უზრუნველყოფა, მიუკერძოებელი სამართალდამცავი უწყებების ფუნქციონირება და სხვა.
  • იმისთვის, რომ ყველა რეკომენდაცია შესრულდეს, საქართველოს გარკვეული დრო მისცეს, რის შემდეგაც გადაწყდება — ვიმსახურებთ თუ არა კანდიდატის სტატუსს.

სტატუსმეტრი 2023 წლის 20 ივნისიდან 1 აგვისტომდე ევროკავშირის კანდიდატის სტატუსის მინიჭებასთან დაკავშირებით არსებულ მდგომარეობას ასახავს.

  • ორგანიზაციების შეფასებით, მოცემულ პერიოდში სრულად არის შესრულებული ერთი პირობა — ადამიანის უფლებათა ევროპული სასამართლოს (ECHR) გადაწყვეტილებების პროაქტიული გათვალისწინება.
  • მეტწილად შესრულებულია ორი — ორგანიზებული დანაშაულის წინააღმდეგ ბრძოლა და გენდერული თანასწორობა და ქალთა მიმართ ძალადობა.
  • ნაწილობრივ შესრულებულია — 7, ესენია: საარჩევნო და ინსტიტუციური რეფორმები, დამოუკიდებელი სასამართლო, ანტიკორუფციული ზომები, მედია, მოწყვლადი ჯგუფები, სამოქალაქო საზოგადოების ჩართულობა, დამოუკიდებელი სახალხო დამცველი.
  • ხოლო ჯერ კიდევ შეუსრულებელია ორი მათგანი — დეპოლარიზაციისა და დეოლიგარქიზაციის პუნქტები.
  • გარდა ამისა, NGO-ების ცნობით, მცირე პროგრესი შეიმჩნევა დამოუკიდებელი მედიისა და გადაწყვეტილების მიღების პროცესში სამოქალაქო საზოგადოების ჩართულობის მიმართულებით.

NGO-ები, რომლებიც რეკომენდაციების შესრულებას აფასებენ, არიან:

  • ღია საზოგადოების ფონდი, დემოკრატიის კვლევის ინსტიტუტი, სასამართლოს გუშაგი, საქართველოს დემოკრატიული ინიციატივა.
  • ასევე, საქართველოს სტრატეგიისა და საერთაშორისო ურთიერთობების კვლევის ფონდი, საქართველოს მონიტორინგის ცენტრი, საქართველოს რეფორმების ასოციაცია, პარტნიორობა ადამიანის უფლებებისთვის და საფარი.