დღეს ცნობილი გახდა, რომ მოსკოვი და მინსკი ბელორუსის ტერიტორიაზე ტაქტიკური ბირთვული იარაღის განთავსებაზე შეთანხმდნენ.

რატომ არის მნიშვნელოვანი: რუსეთის პრეზიდენტიც მტკიცებით, ეს შეთანხმება არ დაარღვევს ბირთვული იარაღის გაუვრცელებლობის შეთანხმებებს.

  • ომის კვლევის ინსტიტუტის შეფასებით, ეს ნაბიჯი რუსეთის მიერ ბელარუსის კიდევ უფრო გასაკონტროლებლად და ევროპის ქვეყნების მანიპულაციისთვის გადაიდგა.
  • ხოლო აშშ-ში ამბობენ, რომ სიტუაციას ყურადღებით აკვირდებიან, თუმცა, ამ ეტაპზე არ არსებობს რამე მინიშნება, რომ რუსეთი ბირთვულ აქტივობებს აპირებს.

ტაქტიკური ბირთვული იარაღი: აკადემიკოსები და შეიარაღების კონტროლის ექსპერტები წლების განმავლობაში კამათობენ იმაზე, თუ როგორ უნდა განისაზღვროს ტაქტიკური ბირთვული იარაღი (TNW).

  • ზოგადი განმარტებით, ეს არის ბირთვული იარაღი, რომელიც გამოიყენება ბრძოლის ველზე კონკრეტული ტაქტიკური მიღწევებისთვის და არა, ვთქვათ, ქალაქების და ქვეყნების გასანადგურებლად.
  • შეერთებული შტატები თვლის, რომ რუსეთს აქვს დაახლოებით 2000 ასეთი სამუშაო ტაქტიკური ქობინი, 10-ჯერ მეტი ვიდრე ვაშინგტონს.
  • ამ ქობინების მიწოდება შესაძლებელია სხვადასხვა რაკეტებით, ტორპედოებით და გრავიტაციული ბომბებით საზღვაო, საჰაერო და სახმელეთო ძალებიდან.
  • აშშ-ს დაახლოებით 200 ასეთი იარაღი აქვს, რომელთა ნახევარი ევროპის ბაზებზეა განლაგებული.

ხელშეკრულება: საბჭოთა კავშირის ბირთვული არსენალი მემკვიდრეობით რუსეთს ერგო.

  • ხელშეკრულება ბირთვული იარაღის გაუვრცელებლობის შესახებ, რომელსაც ხელი საბჭოთა კავშირმა მოაწერა, ამბობს, რომ არცერთ ატომურ ძალას არ შეუძლია ბირთვული იარაღის ან ტექნოლოგიების არაბირთვული ძალისთვის გადაცემა.
  • თუმცა, იარაღის მფლობელ ქვეყნებს უფლება აქვთ იგი საზღვრებს გარეთ განალაგონ.
  • რუსეთის ბირთვული დოქტრინის თანახმად, ბირთვული იარაღის გამოყენებაზე საბოლოო გადაწყვეტილების მიღება ქვეყნის პრეზიდენტს შეუძლია.
  • Reuters-ის შეფასებით, TNW დარტყმის მოსამზადებლად, სავარაუდოა, რომ პუტინი კონსულტაციებს გავლის რუსეთის უშიშროების საბჭოს მოკავშირეებთან.