ინფორმაციას თავდაპირველად Unian-მა წყაროზე დაყრდნობით გაავრცელა. მოგვიანებით ეს უკრაინის პრეზიდენტმა, ვოლოდიმირ ზელენსკიმაც დაადასტურა.

რატომ არის მნიშვნელოვანი: სახელმწიფო ღალატში ბრალდებული პრორუსი დეპუტატი ვიქტორ მედვედჩუკი უკრაინაში 12 აპრილს დააკავეს.

  • ის რუსეთის უკრაინაში შეჭრამდე შინაპატიმრობაში იმყოფებოდა. 16 აპრილს კი მას სასამართლომ პატიმრობა შეუფარდა.
  • ორი დღის შემდეგ მისი ვიდეომიმართვა გავრცელდა, სადაც ზელენსკია და პუტინს სთხოვდა, მარიუპოლის მოსახლეობასა და მცველებში გაეცვალათ — 21 სექტემბერს კი ის მარიუპოლის მცველებში გაცვალეს.
  • ვლადიმერ პუტინი მისი შვილის ნათლიაა.

დეტალები: ვიქტორ მედვედჩუკის გარდა მოქალაქეობა ჩამოერთვათ ტარას კოზაკს, ანდრეი დერკაჩსა და რენატ კუზმინს.

  • ზელენსკის თქმით, გადაწყვეტილება უკრაინის კონსტიტუციის შესაბამისად მიიღო.
  • "თუ სახალხო დეპუტატები ირჩევენ ემსახურონ არა უკრაინელ ხალხს, არამედ მკვლელებს, რომლებიც მოვიდნენ უკრაინაში, მაშინ ჩვენი ქმედებები შესაბამისი იქნება", — განაცხადა მან.