უკრაინის რადას პრორუსი დეპუტატი, ვიქტორ მედვედჩუკი გავრცელებულ ვიდეომიმართვაში ვოლოდიმირ ზელენსკისა და ვლადიმერ პუტინს სთხოვს გაცვალონ მარიუპოლის მოსახლეობასა და მცველებში.

"მე, ვიქტორ მედვედჩუკს მსურს მივმართო რუსეთის ფედერაციის პრეზიდენტს, ვლადიმერ პუტინსა და უკრაინის პრეზედენტს, ვოლოდიმირ ზელენსკის თხოვნით, რომ უკრაინულმა მხარემ მარიუპოლის დამცველებსა და მაცხოვრებლებზე გამცვალოს. ხალხზე, რომელიც ამჟამად იქ არიან და გამოსვლას ვერ ახერხებენ", — აცხადებს ვიდეომიმართვაში მედვედჩუკი.

სახელმწიფო ღალატში ბრალდებული, გაქცეული პრორუსი დეპუტატი უკრაინაში 12 აპრილს დააკავეს. როგორც უსაფრთხოების სამსახურში აცხადებდნენ, მედვედჩუკს უკრაინის შეიარაღებული ძალების ფორმა ეცვა, რათა შენიღბულიყო. რუსეთის პრეზიდენტი, ვლადიმერ პუტინი მედვედჩუკის შვილის ნათლიაა.

უკრაინული მედიების ცნობით, პოლიტიკოსი ღალატშია ბრალდებული და რუსეთის შეჭრამდე ის შინაპატიმრობაში იმყოფებოდა. თავდასხმის წინა დღეს გავრცელდა ინფორმაცია, რომ მისი ცოლი ბელარუსში გაიქცა, შემდეგ კი შინაპატიმრობიდან მედვედჩუკიც გაიქცა.

16 აპრილს მედვედჩუკს ლვოვის ლიჩაკოვის რაიონულმა სასამართლომ აღკვეთის ღონისძიების სახით პატიმრობა შეუფარდა.