ამის შესახებ პოლონეთის თავდაცვის მინისტრმა, მარიუშ ბლაშჩაკმა ისაუბრა.

რატომ არის მნიშვნელოვანი: პოლონეთის საგარეო საქმეთა სამინისტრომ 15 ნოემბერს განაცხადა, რომ მათ ტერიტორიაზე, უკრაინის საზღვართან რუსული წარმოების რაკეტა ჩამოვარდა, რის შედეგადაც ორი ადამიანი დაიღუპა.

  • პოლონეთის პრეზიდენტმა, ანდჟეი დუდამ 16 ნოემბერს თქვა, რომ ჩამოვარდნილი რაკეტები, სავარაუდოდ, უკრაინის თავდაცვას უკავშირდება;
  • მისი განცხადებით, ეს იყო რუსული წარმოების S-300 რაკეტა, თუმცა არ აქვთ მტკიცებულება, რომ ის რუსულმა მხარემ გაისროლა.
  • გერმანიამ პოლონეთს საჰაერო სივრცის დასაცავად თავდაცვის სისტემა, Patriot და ავიაგამანადგურებლები, Eurofighter შესთავაზა.

დეტალები: ბლაშჩაკის განაცხადებით, მიესალმება მისი გერმანელი კოლეგის წინადადებას, პოლონეთში Patriot-ის საჰაერო თავდაცვის სისტემის განთავსებაზე.

  • "სიამოვნებით მივესალმე გერმანიის თავდაცვის მინისტრის შემოთავაზებას. მე მათ შევთავაზე, რომ სისტემა უკრაინის საზღვრის მახლობლად განლაგდეს", — განაცხადა პოლონეთის თავდაცვის მინისტრმა.

Patriot-ის საჰაერო თავდაცვის სისტემა ამერიკული საშუალო დისტანციის საზენიტო-სარაკეტო სისტემაა, რომელსაც აშშ და გერმანია იყენებენ.

  • მიმდინარე წლის ოქტომბრიდან პოლონეთს Patriot-ის რამდენიმე სისტემა უკვე აქვს.