NATO პოლონეთში 2 რუსული რაკეტის ჩამოვარდნისა და 2 ადამიანის დაღუპვის შესახებ გავრცელებულ ცნობებს ეხმაურებიან.

რატომ არის მნიშვნელოვანი: NATO-ს წევრ პოლონეთში ორი რუსული რაკეტა ჩამოვარდნის შესახებ ინფორმაცია თავდაპირველად სხვადასხვა, მათ შორის, ადგილობრივმა მედიებმა გაავრცელეს.

  • პოლონეთის ხელისუფლებას ეს ჯერჯერობით არ დაუდასტურებია.

დეტალები: ამის შესახებ ალიანსის ოფიციალურმა წარმომადგენელმა BBC-სთან განაცხადა.

  • "ვიკვლევთ ამ ცნობებს და მჭიდრო კავშირში ვართ ჩვენს მოკავშირე პოლონეთთან".

გამოხმაურებები: ლატვიის საგარეო საქმეთა მინისტრის, ედგარ რინკევიჩის განცხადებით, NATO-ს წევრი ქვეყნის ტერიტორიაზე რუსული რაკეტების ჩამოგდება კრემლის მხრიდან ძალიან საშიში ესკალაციაა.

  • ლიეტუვის პრეზიდენტმა, გიტანას ნაუსედამ პოლონეთს მტკიცე სოლიდარობა გამოუცხადა და დაწერა, რომ NATO-ს მთელი ტერიტორია დაცული უნდა იყოს.
  • მომხდარს გამოეხმაურა ესტონეთის საგარეო უწყება. მათი განცხადებით, ესტონეთი მზადაა, დაიცვას ალიანსის მთელი ტერიტორია.
  • ლუგანსკის ოლქის სამხედრო ადმინისტრაციის ხელმძღვანელი, სერგეი გაიდაიმ კი დაღუპულების გამო პოლონეთს მიუსამძიმრა და რუსეთს კიდევ ერთხელ უწოდა ტერორისტული სახელმწიფო.
  • "დღეს ის მოხდა, რაზეც დიდი ხანი ვაფრთხილებდით ყველას", — ასე გამოეხმაურა უკრაინის პრეზიდენტი მომხდარს.