Will Robots Take My Job ახალი საიტია, რომელზეც თქვენი ან სხვისი პროფესია უნდა შეიყვანოთ, რის შემდეგაც ნახავთ რამდენ პროცენტიანი შანსი არსებობს, რომ თქვენი სამუშაო ადგილზე რობოტმა ჩაგანაცვლოთ.

საიტის შემქმნელები ამ მაჩვენებლების მისაღებად ავტომატიზაციის მონაცემებსა და შრომის დეპარტამენტის სტატისტიკას იყენებენ.

რამდენად სანდოა ეს წინასწარმეტყველებები ვერ გეტყვით, მაგრამ ცოტა საეჭვო არის.

მაგალითად, Will Robots Take My Job-ის გამოთვლებით, მწერლებს, სცენარისტებს და ზოგადად კრეატიულ ტექსტებზე მომუშავე ადამიანებს საფრთხე არ ემუქრებათ.

მაგრამ ამავე დროს, უნდა გავიხსენოთ, რომ ხელოვნური ინტელექტის დაწერილმა რომანმა ლიტერატურული კონკურსის პირველი ეტაპი გადალახა.

ამავე საიტის მონაცემებით, ჟურნალისტები, მათი სპეციალობის მიხედვით სხვადასხვა რისკ ჯგუფში არიან. მაგალითად, სამსახურის დაკარგვის ყველაზე დიდი შანსი ოპერატორებს და კამერასთან მომუშავე პერსონალს აქვთ - 60%, რეპორტიორებს - 11%, ხოლო რადიო წამყვანების ჩანაცვლების შანსი - 10 პროცენტია.

სამსახურის დაკარგვის 28 პროცენტიანი შანსი აქვთ სპორტსმენებს, რაც, შეიძლება ითქვას, ძალიან კარგია და ბოლოს და ბოლო შეიძლება ქართული ფეხბურთის გადარჩენის 28%-იანი იმედი გაგვიჩნდეს.

ერთ-ერთი ყველაზე დიდი რისკ ჯგუფი მძღოლები და გაყიდვების სფეროში მომუშავე ადამიანები არიან. ამ სფეროების ავტომატიზაცია საოცარი სისწრაფით მიმდინარეობს და რამდენიმე წელიწადში ამ სფეროში დასაქმება თითქმის შეუძლებელი გახდება.