"დღე როდესაც კომპიუტერმა დაწერა რომანი. კომპიუტერმა, რომელმაც თავისი სიამოვნება დააყენა ყველაფერზე წინ, ადამიანებისთვის მუშაობა შეწყვიტა."

ამ ციტატით იწყება წიგნი, რომლის თანაავტორიც ხელოვნური ინტელექტია.

მინი რომანი, რომელიც ხელოვნური ინტელექტისა და ადამიანის კოლაბორაციით დაიწერა იაპონიის ლიტერუტურულ კონკურსზე ნიკეი ჰოში სინიჩის ლიტერატურულ პრემიაზე იყო წარდგენილი და შესარჩევი ტურის პირველი ეტაპი გადალახა.

ნაწარმოები სახელად "დღე როდესაც კომპიუტერმა დაწერა რომანი" ჰაკოდატეს მომავლის უნივერსიტეტის პროფესორმა ჰიტოში მაცუბარასა და ხელოვნური ინტელექტის თანამშრომლობის შედეგად დაიწერა. "წერის" პირველ ეტაპზე მაცუბარამ სიტყვები და წინადადებები შეარჩია და ბოტს პარამეტრები გაუწერა, რის შემდეგაც პროგრამა წერას შეუდგა.

ჯგუფმა ორი ავტორების ორი ნაწარმოები შეიტანა კონკურსზე, რომელთაგანც ერთი შემდეგ ეტაპზე გადავიდა.

იაპონელი მწერალის, სატოში ჰასეს განცხადებით ნაწარმოები მაღალ დონეზეა შესრულებული:

"რომანი სტრუქტურულად გამართულია, რამაც ძალიან გამაკვირვა. ერთად ერთი პრობლემა რაც ნაწარმოებს აქვს, პერსონაჟების აღწერაა."

ჰაკოდატეს მომავლის უნივერსიტეტის მეცნიერები ხელოვნური ინტელექტის დახვეწასა და მის სრულყოფილ მწერლად ჩამოყალიბებაზე მუშაობას აგრძელებენ.