ინფორმაციას ამერიკული გამოცემა დასავლეთისა და ისრაელის ინფორმირებულ წყაროებზე დაყრდნობით ავრცელებს.

რატომ არის მნიშვნელოვანი: პუტინის ეს ქმედება ფრონტის ხაზზე ოკუპანტი ქვეყნის წარუმატებლობაზე და დამატებითი ძალების მობილიზების საჭიროებაზე მეტყველებს.

  • ოფიციალურად დაუდასტურებელი ცნობები იმის შესახებ, რომ რუსეთი სირიის კონტინგენტის ნაწილის უკრაინაში გადასაყვანად ემზადებოდა, აქამდეც არაერთხელ გაჩნდა, თუმცა რუსული მხარე არ ადასტურებდა.

დეტალები: New York Times-ის ინფორმაციით, რუსეთმა უკრაინაში ორი ბატალიონი გადაისროლა, რაც, დაახლოებით, 1600 სამხედრო ან უფრო მეტიც შეიძლება იყოს.

  • განსაკუთრებით მნიშვნელოვნად გამოცემის ანონიმურ წყაროებს — ორ დასავლელ დიპლომატსა და ისრაელის მაღალჩინოსანს, საზენიტო სარაკეტო სისტემების — S-300-ების უკრაინაში განთავსება მიაჩნიათ.
  • "იმის შიში, რომ S-300 შეიძლება გამოყენებულ იქნას ისრაელის თვითმფრინავების წინააღმდეგ, იყო მთავარი მიზეზი, რის გამოც ისრაელმა უარყო უკრაინის მოთხოვნა იარაღზე", — წერს გამოცემა.