მედია წერს, რომ ლავროვი მის დელეგაციასთან ერთად გაეროს ასამბლეაზე დასასწრებად ვიზებს დღემდე ელოდება.

რატომ არის მნიშვნელოვანი: გაეროს გენერალურმა მდივნისთვის მიწერილ წერილში რუსეთის ელჩი "საგანგაშოს" უწოდებს ფაქტს, რომ ბოლო თვეებში რუსეთის დელეგაციის არაერთმა წევრმა ვიზა ვერ მიიღო.

  • თებერვალში შეერთებულმა შტატებმა ვლადიმერ პუტინთან ერთად საგარეო საქმეთა მინისტრიც დაასანქცირა.

დეტალები: გაეროს გენერალური ასამბლეის შეხვედრა 20 სექტემბერს იწყება, თუმცა ლავროვის დელეგაციისთვის, ჯერ ჯერობით, არცერთი ვიზა არ გაცემულა.

  • მედიის ცნობით, ვიზები არ მიუღიათ არც ლავროვის დელეგაციის თანმხლებ ჟურნალისტებს.
  • როგორც Reuters აშშ-ის სახელმწიფო დეპარტამენტში განუცხადეს, ისინი პასუხისმგებლობით ეკიდებიან მასპინძელი ქვეყნის როლს, თუმცა ვიზების გაცემის საკითხი კონფიდენციალურია, ამიტომ კომენტარს ვერ გააკეთებდნენ.