საქართველოს ენერგეტიკის მინისტრი, კახი კალაძე დუშეთის რაიონის ხანდოს ხეობის მოსახლეობას ხვდება. შეხვედრა თბილისში ენერგეტიკის სამინისტროს შენობაში დაახლობით საათნახევრის წინ დაიწყო.

ხანდოს ხეობის რამდენიმე სოფლის მოსახლეობა მათ საცხოვრებელ სახლებთან ელექტროგადამცემი ხაზების მშენებლობას რამდენიმე დღის განმავლობაში აპროტესტებდნენ. აქციის მონაწილეები ფიქრობდნენ, რომ სოფელში მაღალი ძაბვის გადამცემი ხაზის დამონტაჟება მათ ჯანმრთელობის პრობლემებს შეუქმნის.

გუშინ, 15 მაისს, ენერგეტიკის მინისტრმა, კახა კალაძემ ბრიფინგი გამართა, სადაც განაცხადა, რომ სოფელ ჭართალისა და მუგუდის მოსახლეობის პროტესტი, მაღალი ძაბვის გადამცემი ხაზების მონტაჟთან დაკავშირებით, დესტრუქციული ძალების მიერაა პროვოცირებული.