უკრაინის პრეზიდენტის პრესსპიკერი, სერგეი ნიკიფოროვი ამერიკის შეერთებული შტატების, ჯო ბაიდენს განცხადებას ეხმაურება და ამბობს, რომ ზელენსკიმ მოითხოვა პრევენციული სანქციები რუსეთის წინააღმდეგ შეჭრის წინ, მაგრამ პარტნიორებს არ სურდათ ამის მოსმენა.

ნიკიფოროვმა განაცხადა, რომ იმ დროს ზელენსკის სამი-ოთხი სატელეფონო საუბარი ჰქონდა ბაიდენთან და ლიდერებმა დეტალურად გაცვალეს მოსაზრებები და შეფასებები ვითარების შესახებ.

"ამიტომ, ფრაზა "არ უნდოდა მოსმენა" ალბათ დაზუსტებას საჭიროებს", — თქვა მან.

პრეზიდენტის ადმინისტრაციის უფროსის მრჩევლის, მიხაილო პოდოლიაკის თქმით, ზელენსკი ყურადღებიანი იყო გაფრთხილებების მიმართ, მაგრამ რუსეთის შეჭრის მასშტაბებმა შოკში ჩააგდო ბევრი ქვეყანა, მათ შორის უკრაინის პარტნიორებიც.

ამერიკის შეერთებული შტატების პრეზიდენტის, ჯო ბაიდენის განცხადებით, უკრაინის პრეზიდენტ ვოლოდიმირ ზელენსკის რუსეთის შეჭრის შესახებ გაფრთხილებების მოსმენა არ სურდა. ბაიდენის თქმით, ბევრი ფიქრობდა, რომ ის აჭარბებდა, როდესაც რუსეთის შეჭრის შესახებ საუბრობდა.