ესტონეთის პრემიერმინისტრის, კაია კალასის განცხადებით, ცეცხლის შეწყვეტა არ ნიშნავს ოკუპირებულ ტერიტორიებზე სისასტიკის შეწყვეტას. მისი თქმით, ამ მიმართულებით შეცდომები დაუშვეს საქართველოში, დონბასსა და ყირიმში.

"ძალიან მაწუხებს ნაადრევი მოწოდებები ცეცხლის შეწყვეტის ან მშვიდობის შესახებ, რადგან ცეცხლის შეწყვეტა არ ნიშნავს, რომ სისასტიკე დასრულდება ოკუპირებულ ტერიტორიებზე. ჩვენ უკვე სამჯერ დავუშვით ეს შეცდომა საქართველოში, დონბასსა და ყირიმში და ამ შეცდომას ვეღარ დავუშვებთ", — ამბობს ის.

პრემიერმინისტრმა გააკრიტიკა ემანუელ მაკრონი პუტინთან საუბრის გამო. მან რუსეთის ქმედებებს უკრაინაში ომის დანაშაული უწოდა.

"პუტინს შეუძლია თავისი სახე გადაარჩინოს რუსეთში დაბრუნებით, რადგან მისი ძალები სუვერენულ ქვეყანაში არიან", — ამბობს კალასი.

როგორც Guardian წერს, ევროკავშირის ქვეყნებს შორის ესტონეთში ახლა ყველაზე მაღალი ინფლაციაა. კალასის კოალიციური მთავრობა პარასკევს დაიშალა და ამის გამო, სოციალ-დემოკრატებთან გაერთიანდა. ის საუბრობს, რომ ინფლაციისა და ცხოვრების სტანდარტების ფონზე რთულია ევროპული ერთიანობის შენარჩუნება სანქციებთან დაკავშირებით.

"გაზი შეიძლება ძვირი იყოს, მაგრამ თავისუფლება შეუფასებელია. თავისუფალ სამყაროში მცხოვრები ადამიანები რეალურად ამას ვერ იგებენ", — ამბობს ის.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.