პოლონეთის პრეზიდენტმა, ანდჟეი დუდამ უკრაინის პარლამენტში სიტყვით გამოსვლისას განაცხადა, რომ არ მოისვენებს, სანამ უკრაინა ევროკავშირის წევრი არ გახდება.

"მე არ მოვისვენებ, სანამ უკრაინა ევროკავშირის წევრი არ გახდება", — აბობს ის.

პრეზიდენტის თქმით, მხოლოდ უკრაინას აქვს უფლება გადაწყვიტოს თავისი მომავალი. მან აღნიშნა, რომ უკრაინის ტერიტორიული დანაკარგი მხოლოდ უკრაინისთვის არაა დარტყმა.

"გამოჩნდა შემაშფოთებელი ხმები, რომლებიც ამბობენ, რომ უკრაინა უნდა დანებდეს პუტინის მოთხოვნები. მხოლოდ უკრაინას აქვს უფლება გადაწყვიტოს თავისი მომავალი. არაფერი გადაწყდება თქვენ გარეშე. [...]

თუ ეკონომიკური მიზეზებით ან პოლიტიკური ამბიციებით უკრაინა მისი ტერიტორიის თუნდაც ერთ სანტიმეტრს დაკარგავს, ეს იქნება უზარმაზარი დარტყმა არამხოლოდ უკრაინელი ერისთვის, არამედ მთელი დასავლური სამყაროსთვის", — განაცხადა დუდამ.