მოსკოვის მერის, სერგეი სობიანინის განცხადებით, უცხოელი მფლობელის მიერ რენოს ქარხნის დახურვის შემდეგ აქტივები სახელმწიფოს საკუთრებაში გადადის და ქარხანა მოსკვიჩის მარკის მანქანების წარმოებას დაიწყებს.

"პირველ ეტაპზე მოეწყობა კლასიკური მანქანები შიგაწვის ძრავით, ხოლო სამომავლოდ დაიწყება ელექტრომობილების წარმოება", — ამბობს მოსკოვის მერი.

რუსეთის მრეწველობისა და ვაჭრობის სამინისტრო იმედოვნებს, რომ მოსკვიჩის მანქანების წარმოება დედაქალაქში რენოს ყოფილ ქარხანაში წელს დაიწყება. სამინისტროს საავტომობილო ინდუსტრიისა და რკინიგზის ინჟინერიის დეპარტამენტის დირექტორმა განაცხადა, რომ ქარხანას მოსკვიჩი დაერქმევა.