თეთრი სახლის განცხადებით, კიევში ამერიკის შეერთებული შტატების პრეზიდენტის, ჯო ბაიდენის ვიზიტი არ იგეგმება. ამის შესახებ თეთრი სახლის სპიკერმა ჯენ ფსაკმა ისაუბრა.

"პრეზიდენტის წასვლა არ იგეგმება, ნება მომეცით, ეს კიდევ გავიმეორო", — თქვა მან.

თეთრი სახლის თქმით, უკრაინაში მის ნაცვლად მაღალი რანგის ოფიციალური პირის გაგზავნა სურთ და შესაძლოა, ის აშშ-ის სახელმწიფო მდივანი, ენტონი ბლინკენი ან თავდაცვის მდივანი, ლოიდ ოსტინი იყოს.

ფსაკმა, ასევე, იმედი გამოთქვა, რომ კიევში აშშ-ის საელჩო ისევ გაიხსნება, თუმცა ვადები არ დაუსახელებია.

"ეს, რა თქმა უნდა, ჩვენი მიზანია. ცხადია, ადგილზე დიპლომატიური წარმომადგენლობა მნიშვნელოვანია", — დასძინა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში