ვოლოდიმირ ზელენსკის განცხადებით, ოკუპანტებმა ქალაქ ბუჩაში ასეულობით მშვიდობიანი მოქალაქე წამებით მოკლეს. მისი თქმით, მსხვერპლთა რაოდენობა, რეალურად, გაცილებით მეტია.

"ჩვენ ახლახანს დავიწყეთ იმ ყველაფრის გამოძიება, რაც ოკუპანტებმა გააკეთეს. ამჟამად არსებული ინფორმაციით, მხოლოდ ბუჩაში ნაწამები და მოკლული 300-ზე მეტი ადამიანია. სავარაუდოა, რომ მსხვერპლთა სია გაცილებით დიდი იქნება, როცა ქალაქი შემოწმდება", — თქვა მან.

რომ შესაძლოა, ბოროდიანკასა და სხვა ქალაქებში იმაზე ბევრად მეტი მსხვერპლი იყოს, ვიდრე ბუჩაში.

"კიევის, ჩერნიგოვისა და სუმის რეგიონების გათავისუფლებული ოლქების ბევრ სოფელში ოკუპანტებმა ისეთი რამ ჩაიდინეს, რაც ადგილობრივებს 80 წლის წინ ნაცისტური ოკუპაციის დროსაც კი არ უნახავთ", — ამბობს ის ვიდეომიმართვაში.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშორისო მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.