უკრაინამ რუსეთის ბაშკირეთის რესპუბლიკაში მდებარე ნავთობგადამამუშავებელ ქარხანა "გაზპრომ ნეფტეხიმ სალავატი" დრონებით დაბომბა, რის შედეგადაც ადგილზე, აფეთქებები და ხანძარია. როგორც უკრაინული მედია წერს, დარტყმის სამიზნე სწორედ "გაზპრომის" საწარმო იყო.

ადგილობრივი მცხოვრებლები სოციალურ ქსელებში მრავალრიცხოვანი დარტყმების შესახებ წერენ. ბაშკირეთის ნავთობგადამამუშავებელი ქარხანა რუსეთის ერთ-ერთი უმსხვილესი ნავთობგადამამუშავებელი კომპლექსია. საწარმო წელიწადში დაახლოებით 10 მილიონ ტონა ნავთობს გადაამუშავებს.

გარდა ამისა, აფეთქებების შესახებ იტყობინებიან რუსეთის კრასნოდარის მხარეში მდებარე ქალაქ გელენჯიკიდანაც. აფეთქებების შემდეგ აეროპორტის მახლობლად ძლიერი ხანძარი გაჩნდა.

უკრაინას ბაშკირეთის ნავთობგადამამუშავებელი ქარხანა პირველად არ დაუბომბავს. პირველი იერიში "გაზპრომ ნეფტეხიმ სალავატზე" მათ 2025 წლის 18 სექტემბერს მიიტანე. წინასწარი ინფორმაციით, დრონებმა დააზიანეს ელოუ-ავტ-4-ის დანადგარი, რომელიც ქარხნის გულს წარმოადგენს. 2025 წლის 24 სექტემბერს უკრაინის უსაფრთხოების სამსახურის უპილოტო საფრენმა აპარატებმა "გაზპრომ ნეფტეხიმ სალავატზე" განმეორებითი დარტყმა განახორციელეს.