ამერიკის შეერთებული შტატები უკრაინას კიდევ $300 მილიონის სამხედრო დახმარებას უგზავნის. მათ შორისაა, ლაზერულად მართვადი სარაკეტო სისტემები, სამედიცინო აღჭურვილობა, ტაქტიკური დრონები, ღამის ხედვის სათვალეები, ტყვიამფრქვევები და სხვა.

თავდაცვის დეპარტამენტის განცხადებაში ნათქვამია, რომ დახმარების ახალი პაკეტი აშშ- ისა და უკრაინის კონტრაქტის პროცესის დასაწყისია, რათა უკრაინის შეიარაღებული ძალების შესაძლებლობები გაიზარდოს.

აღსანიშნია, რომ პირველ აპრილს ვაჭრობის დეპარტამენტმა რუსეთისა და ბელარუსის თავდაცვის, კოსმოსურ და საზღვაო სექტორის 120 წარმომადგენელს სანქციები დაუწესა.

"ვლადიმერ პუტინის გადაწყვეტილებამ უკრაინაზე თავდასხმის შესახებ რუსეთისა და მისი ეკონომიკის გლობალური ვაჭრობისგან იზოლირება მოახდინა, დღევანდელი ქმედება კი უფრო აძლიერებს ამ იზოლაციას", — განაცხადა აშშ-ის ვაჭრობის მდივანმა, ჯინა რაიმონდომ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში