4 მარტს ჩეხეთის ერთ-ერთ ზოოპარკში გადაშენების პირას მყოფი აღმოსავლური შავი მარტორქა დაიბადა. მარტორქას უკრაინის საპატივცემულოდ კიევი დაარქვეს. პატარა კიევი დაახლოებით 50 კილოგრამს იწონის.

ფოტო: Petr David Josek / AP

"ეს სახელი უკრაინისადმი ჩვენი მხარდაჭერის გამოხატვის კიდევ ერთი ნიშანია", — განაცხადა ზოოპარკის დირექტორმა.

ბრაკონიერების უკანონო საქმიანობის გამო ველურ ბუნებაში 800-მდე შავი მარტორქა ბინადრობს. ზოოპარკებში მარტორქის დაბადება იშვიათი მოვლენაა. შარშან მსოფლიოს ზოოპარკებში ჯამში 3 მარტორქა დაიბადა.

აღსანიშნავია, რომ რუსეთის მიერ უკრაინაში ომის დაწყების გამო უკრაინის ზოოპარკების ცხოველები განსაკუთრებულად რთულ მდგომარეობაში აღმოჩნდნენ. ცხოველების დასახმარებლად მიკოლაევის ზოოპარკში ბილეთების ონლაინ რეჟიმში გაყიდვა დაიწყეს. ბილეთი 3 დოლარი ღირს და მისი ყიდვით მსოფლიოს ნებისმიერ წერტილში მცხოვრებ ადამიანს შეუძლია, ცხოველების გადარჩენაში საკუთარი წვლილი შეიტანოს.

ამავე თემაზე: