მას შემდეგ, რაც რუსეთი უკრაინაში შეიჭრა, საფრთხე მხოლოდ უდანაშაულო ადამიანებს არ ემუქრებათ. ამ დროისთვის კიევის ზოოპარკში 4000-მდე ცხოველია, რომელთა დასახმარებლად ზოოპარკის თანამშრომლები და მათი ოჯახის წევრები საკუთარ სიცოცხლეს რისკავენ.

ზოოპარკში 17 წლის სპილო ცხოვრობს, რომელსაც დამამშვიდებლების მიღება დასჭირდა, რადგან ბომბებისა და ცეცხლსასროლი იარაღის სროლის ხმის გაგონება აშინებს.

"მათ გაქცევა არ შეუძლიათ და არც დასამალი ადგილი აქვთ. თუ ზოოპარკს დატოვებენ, მაშინ ქუჩებში ტანკები დახვდებათ", — ამბობს ზოოპარკის ერთ-ერთი თანამშრომელი.

მამაცი ზოოპარკის თანამშრომლები ცხოველების დასახმარებლად ყველაფერს აკეთებენ. ზოოპარკში სპილოს გარდა არიან ზებრებიც, რომლებსაც ცეცხლსასროლი იარაღის ხმის გაგონებაზე პანიკა ეწყებათ.

იმ შემთხვევაში, თუ ზოოპარკის ზოგიერთი ბინადრის გადაყვანა შესაძლებელი გახდება, დიდი ზომის ცხოველებისთვის ეს მაინც რთული იქნება. ზოოპარკში ორი ჟირაფი და ერთი გორილა ცხოვრობს, რომლებსაც აფეთქებების ხმა სხვების მსგავსად აშინებთ.

ფოტო: YouTube

მიუხედავად ასეთი საფრთხისა, ზოოპარკის თანამშრომლები ცხოველებთან ყოველდღე მიდიან და მათ ეხმარებიან. ისინი იმედოვნებენ, რომ მათი ზოოპარკი ამ ომს გადაურჩება და სხვა ზოოპარკების ბედს არ გაიზიარებს, რომლებშიც ცხოველები დაშავდნენ.