არაბთა გაერთიანებულ საამიროებში საქართველოს საელჩოს განცხადებით, ქვეყანა საქართველოს მოქალაქეებისთვის უვიზო მიმოსვლას აწესებს. მათივე ინფორმაციით, ახალი სავიზო რეჟიმის ამოქმედების კონკრეტული თარიღის შესახებ ინფორმაცია ფორმალობების დასრულების შემდეგ გავრცელდება.

"მოლაპარაკებების შედეგად, არაბთა გაერთიანებული საამიროების ხელისუფლებამ მიიღო დადებითი გადაწყვეტილება საქართველოს ორდინალური პასპორტის მფლობელებისთვის ქვეყანაში შემოსვლის უვიზო რეჟიმის დაწესებასთან დაკავშირებით", — ნათქვამია განცხადებაში.

აქამდე საამიროებში უვიზო რეჟიმით სარგებლობდნენ მხოლოდ საქართველოს დიპლომატიური და სამსახურეობრივი პასპორტების მფლობელები.