უკრაინის საგარეო საქმეთა მინისტრმა, დმიტრო კულებამ NATO-ს საგარეო საქმეთა მინისტრებს მიმართა და უთხრა, რომ დადგება მომენტი, როდესაც მზად იქნებიან მიაწოდონ იარაღი. კულებამ აღნიშნა, რომ აქვს ერთადერთი სურვილი, არ იყოს ეს ძალიან გვიანი.

"ბოლო 8 დღეა უმეტესი თქვენგანისგან, საგარეო საქმეთა მინისტრებო ვიღებ შეტყობინებას: "დმიტრო, ჩემმა ხელისუფლებამ გადაწყვიტა მოგამარაგოთ იარაღით — ტანკსაწინააღმდეგო იარაღები, ტყვიები, სამხედრო აღჭურვილობა, ყუმბარები. იმედი მაქვს, ეს არ არის ძალიან გვიანი".

დარწმუნებული ვარ, ეს ომი ვითარდება ისე, რომ მოვა დრო, როდესაც მზად იქნებით მოგვამარაგოთ ყველაფრით, ნებისმიერი იარაღით, რაც აარიდებს ევროპას პუტინის თავდასხმასა და ამ კოშმარს. მე იმედი მაქვს, ერთადერთი იმედი, რომ ეს არ იქნება ძალიან გვიანი", — თქვა კულებამ.

მინისტრმა აღნიშნა, რომ არ უნდა მისცენ რუსეთს უფლება შექმნას სირია ევროპაში. მისი თქმით მზადაა უკრაინა გააგრძელოს ბრძოლა, NATO-ს კი დახმარებისკენ მოუწოდა.

დღეს, 4 მარტს მან ნატოს საგარეო საქმეთა მინისტრებთან ერთად განიხილა უკრაინისთვის იარაღის მიწოდების საკითხი.

დღეს NATO-ს გენერალური მდივნმა, იენს სტოლტენბერგმა განცხადა, რომ ალიანსის მოკავშირეები თანხმდებიან, რომ NATO-ს თვითმფრინავები და ჯარები უკრაინაში არ უნდა შეიყვანონ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში