საპატრიარქოს საზოგადოებასთან ურთიერთობის სამსახურის ხელმძღვანელი ანდრია ჯაღმაიძე პატრიარქის დაკრძალვის ხარჯებთან დაკავშირებით პრემიერ ირაკლი კობახიძის განცხადებას ეხმაურება.

ჯაღმაიძე ამბობს, რომ პატრიარქის დაკრძალვისთვის გამოყოფილი თანხის ძირითადი ნაწილი რომ არ დაიხარჯა, მათთვის ცნობილი იყო და იმედს გამოთქვამს, რომ "დასრულდება პატრიარქის სახელის გამოყენება დაუსაბუთებელი ბრალდებებისა და ცილისწამებისთვის".

"პატრიარქის დაკრძალვისთვის გამოყოფილი თანხის ძირითადი ნაწილი რომ არ დაიხარჯა, ჩვენთვის ცნობილი იყო იმთავითვე.

განსაკუთრებით იმ პერიოდში, ქალბატონ თიკა რუხაძესთან ხშირი კომუნიკაცია გვქონდა და მისგანვე ვიცოდით, რომ სხვადასხვა მომსახურებაში ორგანიზაციებმა, თუ კერძო პირებმა უმეტესად უარი თქვეს ჰონორარზე ან ხელფასზე.

ეს საჯაროდ დაადასტურა პრემიერმა და იმედია დასრულდება პატრიარქის სახელის გამოყენება დაუსაბუთებელი ბრალდებებისა და ცილისწამებისთვის", — ამბობს ჯაღმაიძე.

კობახიძის აცხადებს, რომ "უფრო მეტად ჩაჰყვება" ილია II-ის დაკრძალვის ხარჯებს
შეგახსენებთ, რომ სამთავრობო ტელეკომპანია რუსთავი 2-ის ეთერში ირაკლი კობახიძემ განაცხადა, რომ "პირველადი მონაცემებით, გამოყოფილი იყო სამი მილიონი ლარი, საიდანაც მხოლოდ 722 ათასი დაიხარჯა, იქ ვიღაცას ფულის მოპარვა რომ სდომოდა, სამ მილიონსაც კარგად აითვისებდა". პრემიერმა ისიც თქვა, რომ ამ საკითხს "უფრო მეტად ჩაჰყვება და დეტალურ ინფორმაციას წარუდგენს საზოგადოებას".

"თქვეს, რომ პატრიარქის დაკრძალვასთან დაკავშირებული ხარჯები იყო არაკეთილსინდისიერად გაწეული და აქედან თითქოს მოიპარეს ფული. პირველადი მონაცემებით, გამოყოფილი იყო სამი მილიკულტურის მინისტრად მაია ბითაძე დაინიშნა
ონი ლარი, საიდანაც მხოლოდ 722 ათასი დაიხარჯა, იქ ვიღაცას ფულის მოპარვა რომ სდომოდა, 3 მილიონსაც კარგად აითვისებდა. ეს არის პირველადი ინფორმაცია. კიდევ უფრო მეტად ჩავყვები და დეტალურ ინფორმაციას ამასთან დაკავშირებით წარვუდგენთ საზოგადოებას", — თქვა ირაკლი კობახიძემ "რუსთავი2"-ის ეთერში.

შეგახსენებთ, რომ პატრიარქის დაკრძალვის ღონისძიების ორგანიზებაში ჩართული იყო კულტურის სამინისტრო. უწყებას ხელმძღვანელი თიკა რუხაძემ პოსტი 28 ივლისს დატოვა. მან მიზეზად ჯანმრთელობის მდგომარეობა დაასახელა. კულტურის ახალ მინისტრად მაია ბითაძე გუშინ, 15 სექტემბერს დაინიშნა.