ევროკომისია ხუთშაბათს "ევროკავშირის ბავშვთა აქტის" (EU Kids Act) ინიციატივას წარადგენს, რომელიც ინტერნეტში ბავშვების დაცვის ეტაპობრივ მიდგომას ითვალისწინებს. ინიციატივის მიხედვით, 13 წლამდე ასაკის ბავშვებისთვის სოციალურ მედიაზე წვდომა აიკრძალება, ხოლო 15 წლამდე ასაკის მომხმარებლებისთვის ის შეიზღუდება.

"ჩვენ არ უნდა შევეგუოთ დამოკიდებულების გამომწვევ ფუნქციებს. ჩვენ არ უნდა შევეგუოთ იმას, რომ ბავშვები სულ უფრო ექსტრემალური შინაარსისკენ მიიზიდებიან. ჩვენ არ უნდა შევეგუოთ იმასაც, რომ გოგონების ფოტოები ხელოვნური ინტელექტის გამოყენებით სექსუალიზებული გამოსახულებების შესაქმნელად გამოიყენებოდეს", — განაცხადა ურსულა ფონ დერ ლაიენმა.

ევროკომისიის პრეზიდენტმა ასევე განაცხადა, რომ ტექნოლოგიურ პლატფორმებს დაეკისრებათ ვალდებულება, თავად დაამტკიცონ, რომ მათი სერვისები მომხმარებლებისთვის, განსაკუთრებით ბავშვებისთვის, უსაფრთხოა.

"ევროპას მოქმედების ძალა აქვს. წესებს ჩვენ ვადგენთ და არა დიდი ტექნოლოგიური კომპანიები", — დასძინა მან.

აღნიშნული განცხადება ევროკომისიის პრეზიდენტმა ყოველწლიური ანგარიშით წარდგენისას გააკეთა.