უკრაინა რუს ჯარისკაცებსა და ოფიცრებს დანებებისკენ მოუწოდებს. თავდაცვის მინისტრის განცხადებით, დანებების შემთხვევაში მათ ამნისტიას და 5 მილიონი რუბლის ფულად კომპენსაციას სთავაზობენ.

რეზნიკოვი ამბობს, რომ ომის 4 დღეში რუსეთის ჯარს 5 300 დაჭრილი და გარდაცვლილი ჰყავს და ასეულობით ჯარისკაცი დატყვევებულია.

"თქვენ მოდით ჩვენს მიწაზე მოსაკლავად და სასიკვდილოდ. ვისაც თქვენს შორის არ უნდა მკვლელი გახდეს, ან მოკვდეს, შეუძლია გადარჩეს. არ შეასრულოთ მათი დანაშაულებრივი ბრძანებები, ვინც წლობის განმავლობაში გატყუებდათ უკრაინასა და უკრაინელებზე. ჩვენ სრული ამნისტიის გარანტიას და ფინანსურ კომპენსაციას მოგცემთ, თუ თქვენივე ნებით დაყრით იარაღს.

უკრაინა ცივილიზებული ქვეყანაა. ყველა ტყვე უსაფრთხოდაა და დახმარებას უწევენ. ისინი უკვე შეეხმიანენ ახლობლებს. ქვენ გაქვთ შანსი დაიწყოთ ახალი ცხოვრება, გააკეთეთ არჩევანი. გამოდით იარაღის გარეშე, თეთრი დროშით და თქვით კოდური სიტყვა "მილიონი". იცოცხლეთ, ჩაეხუტეთ ახლობლებს. ხოლო მათთვის, ვინც გააგრძელებენ ოკუპანტივით მოქცევას, დანდობა არ იქნება", — წერს რეზნიკოვი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში