ენმ-ის ერთ-ერთი ლიდერი ანა წითლიძე კულტურის ყოფილ მინისტრს, თიკა რუხაძეს და "რუსთავის 2"-ის ყოფილ გენდირექტორს, ბაკურ ბაკურაძეს პატრიარქის დაკრძალვის ხარჯების გაფლანგვაში ადანაშაულებს. ის აცხადებს, რომ მათ "მკვდარი პატრიარქი გაძარცვეს".

"მამუკა მდინარაძის დრო ქართულ ოცნებაში დასრულდა და დიდი ალბათობით, მას გაუყენებენ რუსთავის ციხის გზას, რაც თავისთავად ნიშნავს იმას, რომ ირაკლი კობახიძეც ძალიან მალე მიჰყვება.

მაშინ, როდესაც "ქოცები" გვიმტკიცებენ, რომ მთავარი მართლმადიდებლები არიან, მთავარი ქრისტიანები არიან, აქეთა მხარეს ყველა უსამშობლო ვართ და არაეკლესიურები ვართ და ასე შემდეგ, გამოჩნდა, რომ მკვდარი პატრიარქი გაძარცვეს. მაშინ, როდესაც მთელი ერი ვგლოვობდით პატრიარქის გარდაცვალებას, მაშინდელმა კულტურის ყოფილმა მინისტრმა თიკა რუხაძემ და "რუსთავი 2-ის" ყოფილმა გენერალურმა დირექტორმა ბაკურ ბაკურაძემ მკვდარი პატრიარქი გაძარცვეს. მე "ქოცებს" მინდა ვკითხო, რომელ 10 მცნებაში ჯდება მკვდარი პატრიარქის გაძარცვა?", — განაცხადა ანი წითლიძემ (კომენტარს IPN ავრცელებს).