რუსეთის ტერიტორიაზე დაგეგმილი პროფილაქტიკური და სარემონტო სამუშაოების გამო სომხეთში ბუნებრივი აირის მიწოდება დროებით შეწყდება. ამის შესახებ "გაზპრომ არმენიაზე" დაყრდნობოთ სოხური მედია წერს.

"რუსეთის ტერიტორიაზე, მაგისტრალურ გაზსადენ "ჩრდილოეთ კავკასია — ამიერკავკასიაზე" კომპლექსური, გეგმური პროფილაქტიკური და სარემონტო სამუშაოების გამო, 15-დან 25 სექტემბრამდე აღნიშნული გაზსადენით სომხეთში ბუნებრივი აირის მიწოდება დროებით შეწყდება.

ამ პერიოდში რესპუბლიკის მომხმარებლებისთვის ბუნებრივი აირის უწყვეტი და საიმედო მიწოდება შეზღუდვების გარეშე უზრუნველყოფილი იქნება შიდა რეზერვებისა და ირანის ისლამური რესპუბლიკიდან მოწოდებული ბუნებრივი აირის დამატებითი მოცულობების ხარჯზე", — წერია განცხადებაში.