საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორი, ლევან სილაგავა ამბობს, რომ გასულ წელს 10-მდე საშუალო და მცირე წისქვილკომბინატი გაჩერდა, ხოლო მიმდინარე წლის დასაწყისში ეს ტენდეცია დიდ წისქვილებზე გადავიდა.

დარგის წარმოამდგენლები პრემიერმინისტრთან და ეკონომიკური პროფილის მინისტრებთან შეხვედრას ითხოვენ.

ჯერ კიდევ ივლისის დასაწყისში მსოფლიოში არსებული მაღალი ფასების გამო მსოფლიოში პირველმა ექსპორტიორმა, რუსეთმა ხორბალზმცურავი ბაჟი შემოიღო.

შესაბამისად, ხორბალზე გაჩნდა მცურავი საბაჟო გადასახადი, რომელიც არსებული მდგომარეობით არის 98 დოლარი 1 ტონაზე, ფქვილზე კი გადასახადი არ მოქმედებს. აღნიშნულმა გადასახადმა შეამცირა ხორბლის შემოტანა და გაზარდა ფქვილის იმპორტი.

"მაშინ, როდესაც ფქვილზეც და ხორბალზეც ნულოვანი გადასახადი იყო, თვეში, დაახლოებით, 1 000 ტონა ფქვილი და 60 000 ტონა ხობალი შემოდიოდა. დღეს კი, ეს ბალანსი შეცვლილია და დეკემბრის თვეში შემოვიდა 7 000 ტონამდე ფქვილი და 6 000 ტონამდე ხორბალი. მცურავი ბაჟის შედეგად ხორბლის საქართველოში შემოტანამ აზრი დაკარგა. ამის გამო რიგმა წისქვილკომბინატებმა დაიწყეს დახურვა, ხოლო რიგმა წისქვილკომბინატებმა დაიწყეს ფქვილის შემოტანა", — ამბობს ლევან სილაგავა.

ლევან სილაგავას თქმით, წისქვილკომბინატების მუშაობა ქვეყანაში ფქვილის მარგების შექმნასაც უზრუნველყოფს. სილაგავა ამბობს, რომ სწორედ მარაგების შექმნაა ის უსაფრთხოების ბალიში, რომელიც, ქვეყანას, კრიზისების შემთხვევაში, პურზე ფასის მყისიერად გაზრდისგან აზღვევს.

"დღევანდელ სიტუაციაში ადგილობრივი წარმოების ფქვილსა და იმპორტირებულ ფქვილს შორის სხვაობა სულ არის სამი ლარი. შესაბამისად, ეს, რა თქმა უნდა, მნიშვნელოვანია მთლიანობაში ბაზრისთვის, მაგრამ პურის ფასთან მიმართებაში, როდესაც გაძვირების ბიჯები არის ათი ლარი, ეს, გარკვეულწილად, არ არის კრიტიკული. ჩვენ ვამბობთ, რომ ფქვილის იმპორტი არ არის იმის რეცეპტი, რომ პურის ფასი არ გაიზარდოს", — ამბობს სილაგავა.

ლევან სილაგაძის თქმით, დარგში დასაქმებულია დაახლოებით 5 000-მდე ადამიანი, რომელთა 85%, წისქვილების დახურვის შემთხვევაში, უმუშევარი დარჩება. ხორბლისა და ფქვილის მწარმოებელთა ასოციაციის ხელმძვანელი გამოსავალს კონკურენტული პირობების აღდგენაში ხედავს. მისი თქმით, მთავრობამ უნდა მიიღოს სარკისებული გადაწყვეტილება და რა გადასახადიც არსებობს ხორბალზე, იმავე მოცულობის გადასახადი დააკისროს ფქვილის იმპორტს.

"ჩვენი წისქვილები არ ითხოვენ სასათბურე პიროებებს, ჩვენი წისქველები ითხოვენ იმ პირობებს, რომლებიც იყო ჩვულებრივად, საქართველოს ბაზარზე. ჩვენ გავხდით ფქვილის ნომერ პირველი იმპორტიორი რუსეთიდან, როდესაც ჩინეთი იყო ფქვილის პირველი იმპორტიორი", — ამბობს სილაგავა.

სილაგავას თქმით, სამუშაო ჯგუფმა, რომელიც სამინისტროების მოადგილეებით არის დაკომპლექტებული, საკუთარი რესურსი ამოწურა, რის გამოც ის პრემიერმინისტრთან და ეკონომოკურ გუნდთან შეხვედრას ითხოვს.