ქართული ოცნების წევრმა, ირაკლი ბერაიამ ფორმულას ჟურნალისტს სიტყვიერი შეურაცხყოფა მიაყენა. მმართველი პარტიის ლიდერების მსგავსად ბერაიამ ფორმულას "ზონდერ ორგანიზაცია", ხოლო ჟურნალისტს "ზონდერ ჯგუფის წარმომადგენელი უწოდა".

"ჩვეულებრივი ნაცმოძრაობის ზონდერი ხარ, რა ჟურნალისტი ხარ. ჟურნალისტი, რომელიც იტყუება არ არის ჟურნალისტი. ჟურნალისტი, რომელიც არის ზონდერი, არის ზონდერი", — განაცხადა ბერაიამ.

ეს არ არის პირველი შემთხვევა, როდესაც ქართული ოცნების წევრები ჟურნალისტებსა და ტელევიზიებს შეურაცხმყოფელად მოიხსენიებენ. მსგავს რიტორიკას ხშირად იყენებენ პრემიერმინისტრი ირაკლი ღარიბაშვილი და ქართული ოცნების თავმჯდომარე ირაკლი კობახიძე.

მედიის საკითხებზე მომუშავე არაერთმა არასამთავრობო ორგანიზაციამ მმართველ გუნდს მედიის მადისკრედიტირებელი რიტორიკისგან თავის შეკავებისკენ მოუწოდა, რათა არ მოხდეს მედიაზე ძალადობის წახალისება.