ევროპარლამენტარი სვენ მიქსერი წუხილს გამოთქვამს ბათუმში მომხდარი ტრაგედიის გამო. ტვიტერზე გამოქვეყნებულ ქართულენოვან პოსტში ის უსამძიმრებს დაღუპულთა ოჯახებს და წერს, რომ იზიარებს ქართველი ხალხის ტკივილს.

ბათუმში მომხდარი უბედური შემთხვევის გამო მწუხარება გამოხატა და დაღუპულთა ოჯახებს მიუსამძიმრა აზერბაიჯანის, უკრაინისა და სომხეთის საგარეო საქმეთა სამინისტრომ. დაზარალებულებს თანაგრძნობა გამოუცხადა აშშ-ისა და დიდი ბრიტანეტის საელჩომაც.

8 ოქტომბერს, ბათუმში, 26 მაისის ქუჩაზე საცხოვრებელი კორპუსი ჩამოინგრა. ბოლო ინფორმაციით, დაღუპულია 9 ადამიანი, გადარჩა ერთი. დაღუპულებს შორის 3 არასრულწლოვანია, ერთი 7 წლის, მეორე წლისა და 3 თვის და მესამე 12 წლის.

ბათუმში სამაშველო ღონისძიება თითქმის 30 საათის განმავლობაში მიმდინარეობდა.