ლა ლა ლენდის ვარსკვლავი, ოსკაროსანი მსახიობი ემა სტოუნი ახალ ფილმში ლეგენდარული ჩოგბურთელის, ბილი ჯინ კინგის როლს შეასრულებს.

კინგს 12-ჯერ აქვს მოგებული დიდი სლემის ტურნირი, თუმცა მსოფლიო დიდება მას ერთადერთი თამაშის შემდეგ ესტუმრა, სადაც მისი მეტოქე კაცი იყო. 1973 წელს კინგი ბობი რიგსს შეხვდა, რომელიც ქალთა ჩოგბურთს ყოველთვის აგდებით მოიხსენიებდა. ბილი ჯინის ოსტატობა საკმარისი აღმოჩნდა იმისათვის, რომ მას რიგსი სამ სეტში დაემარცხებინა. 40-მა მილიონმა ტელემაყურებელმა პირდაპირ ეთერში იხილა ახალგაზრდა ქალის გამარჯვება "სქესთა შერკინებაში".

ფილმში ემა სტოუნს პარტნიორობას სტივ კარელი გაუწევს, რომელიც ბობი რიგსის როლს შეასრულებს.

ფოტო: Melinda Sue Gordon

ფილმის პრემიერა 22 სექტემბერს არის დაგეგმილი.