თბილისის მერის, კახა კალაძის განცხადებით, ვერავინ "გააფუჭებდა" საკუთარ კანდიდატს ასე, როგორც ეს ექსპრეზიდენტმა, მიხეილ სააკაშვილმა გააკეთა. ამის შესახებ მან ჟურანლისტებთან ისაუბრა.

"მე ძალიან დიდი მადლობა მინდა, გადავუხადო მიხეილ სააკაშვილს, ვერავინ ვერ შეძლებდა საკუთარი პარტიის ასეთ მდგომარეობაში ჩაგდებას, საკუთარი კანდიდატის, როგორც ბატონმა სააკაშვილმა და ამისთვის მას ძალიან დიდი მადლობა [...] ვერავინ ვერ გააფუჭებდა თავის პარტიას და კანდიდატს ასე, როგორც სააკაშვილმა", — განაცხადა მან.

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: