Arrival-ის, Blade Runner 2049-ისა და Dune-ის რეჟისორმა დენის ვილნევმა ერთ-ერთ ინტერვიუში მაღალბიუჯეტიანი ფილმების ავკარგობაზე ისაუბრა. მისი თქმით, მიუხედავად იმისა, რომ მარველის ფილმებმა ზომბებად გვაქცია, მაღალბიუჯეტიანი ფილმი იმას არ ნიშნავს, რომ ის ხარისხიანი ვერ იქნება.

"შესაძლოა, პრობლემა, რომლის წინაშეც ვართ, ისაა, რომ მარველის ფილმები უბრალოდ ერთმანეთის 'ამოჭრა და ჩასმაა'...შესაძლოა, მსგავსი ტიპის ფილმებმა ცოტათი ზომბებად გვაქცია...თუმცა დღეს მასშტაბური და მაღალბიუჯეტიანი ფილმებიც ბევრია", — ამბობს რეჟისორი.

მან ერთდროულად მაღალბიუჯეტიანი და დახვეწილი ფილმების რეჟისორების მაგალითად კრისტოფერ ნოლანი და ალფონსო კუარონი მოიყვანა.

ეს პირველი შემთხვევა არაა, როდესაც რეჟისორმა მარველის კინოსამყარო გააკრიტიკა:

"თუ მარველზე ვსაუბრობთ, საქმე იმაშია, რომ ყველა ფილმი ერთ ყალიბშია ჩამოსხმული. ზოგიერთი რეჟისორი ფერებს უმატებს, თუმცა ყველა ერთსა და იმავე ქარხანაში მზადდება", — განაცხადა რეჟისორმა.

აღსანიშნავია, რომ ვილნევის ახალი ფილმი, დიუნის პრემიერა კინოთეატრებში 22 ოქტომბერსაა დაგეგმილი. დენის ვილნევს იმედი აქვს, რომ მალე ფილმის მეორე ნაწილზე მუშაობასაც შეძლებს.

"თუ დიუნის მეორე ნაწილის გადაღება გადაწყდება, ეს ჩემთვის საოცარი ასპარეზი იქნება...მეორე ნაწილი კინემატოგრაფიული სიამოვნება იქნება", — განაცხადა რეჟისორმა.