ეროვნულმა ბანკმა ფულადი გზავნილების სტატისტიკა განაახლა, რომლის მიხედვითაც, მიმდინარე წლის ივლისში უცხოეთიდან 208 მილიონი დოლარის ფულადი გზავნილი მივიღეთ, რაც გასული წლის იმავე თვის მონაცემს 10,4%-ით აღემატება. აღსანიშნავია, რომ ეს ერთ თვეში მიღებული გზავნილების მოცულობებს შორის რეკორდულად მაღალი მაჩვენებელია.

ასეთია იმ 10 ქვეყნის ჩამონათვალი, რომლისგანაც ივლისში ყველაზე მეტი თანხა გადმოირიცხა:

  1. რუსეთი — 40,1 მილიონი დოლარი; კლება გასული წლის ივლისთან — 0,7%;
  2. იტალია — 33,3 მილიონი დოლარი; ზრდა — 18,8%;
  3. აშშ — 25,5 მილიონი დოლარი; ზრდა — 13,7%;
  4. საბერძნეთი — 20,6 მილიონი დოლარი; ზრდა — 2%;
  5. ისრაელი — 16,1 მილიონი დოლარი; ზრდა — 14,4%;
  6. გერმანია — 10 მილიონი დოლარი; ზრდა — 43,4%;
  7. თურქეთი — 8,9 მილიონი დოლარი; კლება — 20,7%;
  8. უკრაინა — 7,4 მილიონი დოლარი; კლება — 24,9%;
  9. აზერბაიჯანი — 6,7 მილიონი დოლარი; ზრდა — 11,8%;
  10. ესპანეთი — 5,3 მილიონი დოლარი; ზრდა — 6,2%;

ასევე, უნდა აღინიშნოს, რომ ამ რეიტინგში მე-11 ადგილზეა ყაზახეთი, საიდანაც ივლისში 5 მილიონი დოლარის ფულადი გზავნილი მივიღეთ. ყაზახეთიდან გადმორიცხული თანხების მოცულობა წლიურად 251%-ით არის გაზრდილი.

აქვე უნდა აღინიშნოს ისიც, რომ მიმდინარე წლის ივლისში საქართველოდან უცხოეთში 26,7 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($7,6 მილიონი) და თურქეთში ($5,5 მილიონი) გაიგზავნა.