შინაგან საქმეთა სამინისტროში აცხადებენ, რომ განზრახ მკვლელობის ბრალდებით თბილისში ერთი პირი დააკავეს. პოლიციამ შემთხვევის ადგილიდან ნივთმტკიცებად დანა და ჩაქუჩი ამოიღო.

"გამოძიებით დადგინდა, რომ ბრალდებულმა მიმდინარე წლის 8 აგვისტოს, თბილისში, პირადი წყენის საფუძველზე, 1976 წელს დაბადებულ გ.ბ.-ს ცივი იარაღის და ბლაგვი საგნის გამოყენებით სხეულზე დაზიანებები მიაყენა, რის შედეგადაც გ.ბ. ადგილზე გარდაიცვალა", — ვკითხულობთ უწყების მიერ გავრცელებულ განცხადებაში.

გამოძიება საქართველოს სსკ-ის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.