ნისკარტიანი ვეშაპი ერთ-ერთი ყველაზე ძნელად აღმოსაჩენი ძუძუმწოვარია. ხშირია, როდესაც მეცნიერები ისე ამთავრებენ კარიერას, რომ ერთხელაც არ მოუკრავთ თვალი ამ ცხოველითვის. ეს კი იმით აიხსნება, რომ ვეშაპის ამ სახეობის წარმომადგენლები ნაპირიდან ძალიან შორს ცხოვრობენ და სიცოცხლის 92 პროცენტს წყალქვეშ ატარებენ. ისინი საუკეთესო მყვინთავები არიან, რომლებსაც აქვთ უნარი ოკეანეში 3 ათასი მეტრის სიღრმეზე ჩავიდნენ და იქ ორი საათი გაჩერდნენ.

მათ ნისკარტისებრი პირი აქვთ, რომლის საშუალებითაც იწოვენ თევზს, რვაფეხებსა და ხამანწკებს. დიდხნიანი ყვინთვის შემდეგ ისინი ზედაპირს მოკლე ხნით უბრუნდებიან, ჰაერს ისუნთქავენ და უკან ბრუნდებიან. დელფინებისა და სხვა ვეშაპებისგან განსხვავებით, ნისკარტიან ვეშაპებს გემები და სხვა საზღვაო ტრანსპორტი არ იზიდავთ.