საადაზღვევო კომპანია ალდაგსა და საქართველოს სახმელეთო გადამზიდავთა ასოციაციას შორის, თანამშრომლობის მემორანდუმი გაფორმდა. მემორანდუმი მიზნად ისახავს ასოციაციის წევრ კომპანიებსა და ალდაგს შორის თანამშრომლობის გაძლიერებას.

საქართველოს სახმელეთო გადამზიდავთა ასოციაცია (GALT) საქართველოში რეგისტრირებულ სახმელეთო გადამზიდავებს აერთიანებს და მისი მიზანია ამ სფეროში მოღვაწე პირთა კვალიფიკაციის ამაღლების, სანდოობისა და ქართველი გადამზიდავების ცნობადობის გაზრდა საერთაშორისო ბაზარზე.

“მოხარულნი ვართ, რომ მოლაპარაკების პროცესი წარმატებით დავასრულეთ და შეგვიძლია, დავიწყოთ თანამშრომლობა, როგორც საქართველოს სახმელეთო გადამზიდავთა ასოციაციასთან, ისე მის წევრ კომპანიებთან. თანამშრომლობის ფარგლებში, შგვეძლება წევრ კომპანიებს გავუზიაროთ ინფორმაცია დაზღვევის საჭიროებისა და ეფექტურობის შესახებ. დაზღვევა გადამზიდავებისთვის ფინანსური რისკებისგან თავის დაცვის ერთადერთი მექანიზმია და გვსურს. შევთავაზოთ მათზე მორგებული პირობები და დაფარვები,” — ნონა ბარამია, ალდაგის ბათუმის ფილიალის ხელმძღვანელი;

“საერთაშორისო სატვირთო გადაზიდვებში მონაწილე კვალიფიციური სუბიექტისთვის, საკუთარი თუ დამკვეთის რისკების დაზღვევა, მნიშვნელოვანი მექანიზია. სამწუხაროდ, ქართველ გადამზიდავთა უმრავლესობა არ სარგებლობს სადაზღვევო პროდუქტებით, რაც გამოწვეულია ინფორმაციის ნაკლებობითა და ხარჯების ოპტიმიზაციით. ალდაგთან თანამშრომლობის მიზანიც სწორედ ის არის, რომ, ერთი მხრივ, მივაწოდოთ გადამზიდავებს ყველა ინფორმაცია მათთვის აუცილებელი სადაზღვევო პროდუქტების შესახებ, მეორე მხრივ კი, უზრუნველვყოთ ამ პროდუქტების ხელმისაწვდომობა მათთვის,” ­— ირაკლი ნემსაძე, საქართველოს სახმელეთო გადაზიდვების ასოციაციის თავმჯდომარე.

სადაზღვევო კომპანია ალდაგი კორპორატიული დაზღვევის ინდუსტრიაში ლიდერი კომპანიაა, რომლის საერთაშორისო რეიტინგია — AM best bb+ და წარმოდგენილია საქართველოში უმსხვილესი კორპორატიული სადაზღვევო პორტფელით, რეგიონში კი გამოირჩევა გადაზღვევის მასშტაბურობით.