ნაციონალური მოძრაობის ყოფილი წევრი, კოტე იოსელიანი მაგისტრატ მოსამართლესთან გამოკითხვაზე დაიბარეს — ის თბილისის საქალაქო სასამართლოში დღეს, 15:30-ზეა დაბარებული.

შეგახსენებთ, კოტე იოსელიანმა 8 ივნისს სოციალურ ქსელში გამოაქვეყნა ვიდეო, სადაც ის ოცნების საპატიო თავმჯდომარის ბიძინა ივანიშვილის შვილს, უტა ივანიშვილს მეორედ მოუხადა ბოდიში 7 წლის წინ გაკეთებული განცხადების გამო. მეუღლის ვიდეოსთან დაკავშირებით ერთიანობა ნაციონალური მოძრაობის ლიდერმა, თინათინ ბოკუჩავამ განაცხადა, რომ მისი ქმარი კოტე იოსელიანი გაიტაცეს, შვილების უსაფრთხოებით ემუქრებოდნენ და სწორედ ამან განაპირობა ვიდეოს ჩაწერა.

ბოკუჩავამ ბრიფინგზე თქვა, რომ ამ გატაცების რეალური მიზეზი მისი დაშინება და გაჩუმებაა. შემდეგ პოლიტიკოსმა განაცხადა, რომ ამ გატაცების დამკვეთი "მათ შორის შინაგან საქმეთა მინისტრი, გელა გელაძეა" და ის "ვანო მერაბიშვილის ყურმოჭრილი მონა იყო".

იხილეთ ასევე: