საფრანგეთის პრეზიდენტმა, ემანუელ მაკრონმა წინა სამშაბათს განაცხადა, რომ ის "მომავალ თვეებში" თავად აკრძალავს სოციალურ მედიას 15 წლამდე ასაკის ბავშვებისთვის საფრანგეთში, თუ ამ მიმართულებით ევროკავშირის მხრიდან პროგრესი არ იქნება. ამის შესახებ ინფორმაციას Politico ავრცელებს.

გამოცემა წერს, რომ საბერძნეთი, საფრანგეთსა და ესპანეთს მხარდაჭერას უცხადებს და აძლიერებს ზეწოლას, რომ ევროკავშირმა მნიშვნელოვნად შეზღუდოს თინეიჯერების მიერ ონლაინ დახარჯული დრო. ამის პარალელურად ემანუელ მაკრონმა ფრანგ საზოგადოებას მიმართა, რომ სამშაბათს, 10 ივნისს სკოლაში მასწავლებლის ასისტენტის მკვლელობის შემდეგ, სურს ეს შეზღუდვა უფრო სწრაფად განახორციელოს.

"ჩვენ არ შეგვიძლია დაცდა", — ამბობს მაკრონი France 2-თან ნოგენტში მკვლელობის შემდეგ.

მან აგრეთვე განაცხადა, რომ საფრანგეთში სულ მალე საიტებზე, სადაც ცივი იარაღი (დანები) იყიდება, ასაკის ვერიფიკაცია იქნება აუცილებელი. მსგავსი რეგულაციები ვრცელდება პორნოგრაფიულ საიტებზე.

"15 წლის პირს აღარ შეეძლება იყიდოს დანა ონლაინ. ეს ნიშნავს იმას, რომ ჩვენ ვაპირებთ, დავაწესოთ მასიური ფინანსური სანქციები და აკრძალვები," — დაჰპირდა საფრანგეთის მოსახლეობას მაკრონი.

გვიან საღამოს X-ზე მაკრონმა დაწერა:

"ეს არის ეკრანების კომისიის ექსპერტების რეკომენდაცია: მე ვკრძალავ სოციალურ მედიას 15 წლამდე ასაკის ბავშვებისთვის. პლატფორმებს აქვთ ასაკის გადამოწმების შესაძლებლობა. მოდით, გავაკეთოთ ეს".

Politico წერს, რომ საფრანგეთის ხელისუფლებას უკვე აქვს პროგრესი რომ სოციალურ მედიებს X-ის, Reddit-ის, Bluesky-ისა and Mastodon-ის ჩათვლით — განახორციელებინოს ასაკის ვერიფიკაცია, მათი პორნოგრაფიულ ვებსაიტებად კლასიფიკაციით.

საფრანგეთში კანონი, რომელიც პორნოგრაფიული საიტებს ავალდებულებს, რომ დაიწყონ მომხმარებლის ასაკის ვერიფიკაცია ძალაში 7 ივნისიდან შევიდა. ამან მსოფლიოში ყველაზე დიდი პორნოსაიტი Pornhub აიძულა, რომ შეეჩერებინათ მუშაობა საფრანგეთში.