მერაბ დვალიშვილისა და შონ ო’მალის დაპირისპირება UFC 316-ის მთავარი ბრძოლაა, რომელიც 2025 წლის 7 ივნისს ნიუ ჯერსიში გაიმართება.

ეს ბრძოლა მათი მეორე შეხვედრაა: პირველი დაპირისპირება 2024 წლის სექტემბერში, UFC 306-ზე შედგა, სადაც დვალიშვილმა ო’მალი დაამარცხა და UFC-ის ჩემპიონი გახდა.

ფოტო: UFC

მერაბ The Machine დვალიშვილი, ცნობილია თავისი გამძლეობით, ჭიდაობის უნარებით და UFC-ის ისტორიაში ყველაზე მეტი თეიქდაუნით (92).

რაც შეეხება შონ Suga ო’მალის, იგი ძლიერი სტრაიკერია, რომელსაც 18 მოგება აქვს, მათ შორის 12 — ნოკაუტით.

მიუხედავად იმისა, რომ დვალიშვილის მრავალმხრივი უნარები მას უპირატესობას ანიჭებს, ო’მალის ნოკაუტის ძალა სერიოზულ საფრთხეს წარმოადგენს. სტრაიკერები, რომლებიც ნოკაუტის უნარს ფლობენ, განსაკუთრებულ საფრთხეს ქმნიან, რადგან ბრძოლა შეიძლება სულ ერთ წამში გადაწყვიტონ.

ცხადია, შონ ო’მალი არ არის მერაბისთვის ყველაზე რთული მეტოქე, ყველაზე რთული ბრძოლა ბოლოს მას ნურმაგომედოვთან ჰქონდა — თუმცა არც ყველაზე ადვილი მოწინააღმდეგეა და აი რატომ:

მერაბის საბრძოლო უნარები მოიცავს მრავალმხრივი მებრძოლების შეჩერებას — იმ მებრძოლების, რომლებიც ერთდროულად ფლობენ სტრაიკინგს, ჭიდაობისა და ჯიუ-ჯიცუს ელემენტებს. მრავალმხრივი მებრძოლი ადაპტირდება სხვადასხვა სტილის მოწინააღმდეგესთან, აკონტროლებს ბრძოლის დინამიკას და არ რჩება დაუცველი იმ შემთხვევაშიც, თუ ბრძოლა მისთვის ნაკლებად სასურველ სივრცეში მიმდინარეობს.

მაგრამ არსებობენ კიდევ გამორჩეული სტრაიკერები, რომლებსაც აქვთ ნოკაუტის ძალაც. ეს განსაკუთრებული საფრთხეა მერაბისთვის, რადგან ბრძოლა უმეტესწილად დამოკიდებულია შანსზე და არა უნარებზე. შეიძლება უდიდესი წინააღმდეგობა გაუწიო მეტოქეს 20 წუთის განმავლობაში, მაგრამ წამის მერვედში დაუშვა პატარა შეცდომა, მოადუნო ყურადღება, და სწორედ ამ დროს მოხვდეს მუშტი სამიზნეს.

ანუ ნოკაუტის ძალის მქონე სტრაიკერებში — შანსის წილი მეტია, ტექნიკაზე კი ნაკლები რამე ხდება დამოკიდებული.

UFC-ის მოყვარულის, შოთა დიღმელაშვილის აზრით — ერთი შეხედვით, ბრძოლა ადვილია სტრაიკერთან, მისი თითქოს ერთფეროვანი სტილიდან გამომდინარე, რომლის გამოც მოწინააღმდეგეს ბევრი რამეს ვერ შესთავაზებს. მაგრამ თუ მას ასევე აქვს ნოკაუტის ძალაც, აქ უკვე ძალიან იზრდება შანსის წილი, და მთელი ბრძოლის გადაწყვეტა ერთ პატარა წამში შეიძლება.

მერაბ დვალიშვილისთვის უფრო კომფორტული მოწინააღმდეგე იქნებოდა ან ისეთი სტრაიკერი, ვინც უფრო ქულებით იბრძვის და ნოკაუტის ძალა არ აქვს, ან სხვადასხვა უნარებით გამორჩეული მებრძოლი, რომელთანაც მას ბრძოლის შედარებით კონტროლირებადი გარემოს შექმნა შეუძლია. შონ ო’მალი ასეთი არ არის, ის სწორედ ნოკაუტის ძალის მქონე სტრაიკერია, ამიტომ მასთან დაპირისპირება სულაც არ იქნება იოლი.

"ეს არ ნიშნავს, რომ მერაბს ძალიან გაუჭირდება მისი დამარცხება — პირიქით, მისი მრავალმხრივი უნარები ადასტურებს, რომ შონ ო’მალისნაირ მოწინააღმდეგეს ადვილად უმკლავდება. მთავარია არც ერთი წამით, ან წამის მერვედით არ მოადუნოს ყურადღება, რომ ბრძოლის ბედი ამ ერთ წამში ნოკაუტით არ გადაწყდეს".

მთავარი ბრძოლა, მერაბ დვალიშვილსა და შონ ო’მალის შორის, სავარაუდოდ თბილისის დროით 8 ივნისს, დილის 6:00 საათზე დაიწყება.