საოჯახო საქმეების კეთებას დიდი დრო და ენერგია სჭირდება, რაც ხშირად არ გვაქვს, რადგან მუდამ სამსახურში გვეჩქარება. იმის დროსაც კი ძლივს ვპოულობთ, რომ ოჯახის წევრებთან თუ მეგობრებთან ერთად საღამო მშვიდად გავატაროთ ან უბრალოდ დავჯდეთ და დამღლელი დღის შემდეგ განვიტვირთოთ.

თანამედროვე საოჯახო ტექნიკა დროის დაზოგვაში და ცხოვრების კომფორტულად მოწყობაში გვეხმარება. რაც ერთ დროს დიდ ძალისხმევას მოითხოვდა სულაც აღარ წარმოადგენს სირთულეს. ამ სტატიაშიც იმ ხუთ საოჯახო ნივთს შეხვდები, რომლებიც ცხოვრებას ბევრად ამარტივებს და ამიტომ თანამედროვე ადამიანისთვის ძალზე საჭიროა.

1. საშრობი

ფოტო: ალტა

სარეცხის მანქანა საოჯახო საქმიანობის განუყოფელ ნაწილად იქცა, თუმცა ტანსაცმლის გაშრობა ბევრად ხანგრძლივი პროცესია. თუ გადატვირთული გრაფიკი გაქვს და საყვარელი კაბის თუ მაისურის გაშრობასაც ვერ დაელოდები, საშრობი საუკეთესო გადაწყვეტაა. ზამთრის ცივ დღეებში გაყინული ტანსაცმლის ჩამოხსნაც არ მოგიწევს და ზაფხულშიც რამდენიმე წუთში მშრალი ტანსაცმელი გექნება ხელთ. უბრალოდ სასურველი მოდელი უნდა შეარჩიო და ამინდზე დამოკიდებულიც აღარ იქნები.

2. საკვები ნარჩენების დასაქუცმაცებელი

ფოტო: ალტა

ჩვენი საუკუნის მთავარი გამოწვევა გარემოში ნარჩენების მოხვედრაა, ესეც რომ არ იყოს, სამზარეულოში არეულობის მოწყობა და შემდეგ მისი ლაგება დიდ დროს მოითხოვს და არც ისე სასიამოვნო პროცესია. დასაქუცმაცებელი ნარჩენების მოცულობასაც შეამცირებს და არეულობასაც აგარიდებს თავიდან. შეგიძლია სასურველი საკვების ნარჩენების დასაქუცმაცებელი შეარჩიო და კერძის მომზადებისას მორჩენილი ნაგავი პირდაპირ აპარატში ჩაუძახო.

3. ქსოვილის ტრიმერი

ფოტო: ალტა

ტანსაცმელზე ბუსუსების გაჩენა განსაკუთრებით მტკივნეული მაშინ არის, როცა ჩვენი საყვარელი სამოსი ფუჭდება. ადრე ამ პრობლემის გადასაჭრელად სამართებელსაც კი იყენებდნენ, მაგრამ დღეს ამის საჭიროება აღარ არის, უბრალოდ ტრიმერი უნდა იყიდო და ტანსაცმელი მუდამ ახალივით იქნება.

4. ჰაერის დამატენიანებელი

ფოტო: ალტა

ეს შესანიშნავი მოწყობილობა კი ჰაერს ატენიანებს და შეუცვლელია მაშინ, როცა მშრალი ჰაერი პირს გვიშრობს ან კანს გვიღიზიანებს. მშრალი ჰაერი ალერგიულ რეაქციას: სასუნთქი გზების სიმშრალეს და გამონაყარსაც კი იწვევს, მაგრამ საოჯახო ტექნიკა მნიშვნელოვნად განვითარდა და ჰაერის დამატენიანებელის შეძენით პრობლემა მარტივად მოგვარებადია.

5. ფანჯრის საწმენდი

ფოტო: ალტა

ფანჯრების წმენდა ერთ-ერთი ყველაზე დამღლელი პროცესია: სველი ტილოთი და საწმენდი სითხით გასუფთავება, მშრალი ტილოს გადასმა და დარჩენილი ბუსუსების დევნა შეიძლება კარგა ხანს გაგრძელდეს. რა საჭიროა გაუთავებელი წვალება, როცა ამის მოგვარება მარტივია, უბრალოდ ფანჯრის საწმენდი აპარატი უნდა შეიძინო.

ალტა კომპიუტერული და საოჯახო ტექნიკის ერთ-ერთი უმსხვილესი მაღაზიაა, რომელიც მსოფლიოს წამყვან ბრენდებთან პარტნიორობს და მომხმარებელს ათასობით პროდუქტს სთავაზობს. ალტაში საოჯახო ტექნიკის საუკეთესო არჩევანი დაგხვდებათ.