თბილისში კურიერებზე დაჯახების საქმეზე შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადურებას გულისხმობს. როგორც უწყებაში On.ge-ს უთხრეს, ჯერ არავინ დაუკავებიათ.

3 ივლისს Facebook-ზე ვიდეო გავრცელდა, სადაც ჩანს, რომ თავისუფლების მოედანზე მსუბუქი ავტომობილი 2 კურიერს დაეჯახა.

"შემთხვევით შევესწარი თავისუფლების მოედანზე, განზრახ როგორ დაარტყა მანქანამ ორ კურიერს. თან რამდენჯერმე", — წერს ვიდეოს ავტორი Facebook-ზე.