ამერიკის შეერთებულმა შტატებმა რუსეთს ახალი სანქციები დაუწესა. საქმე ეხება ამერიკის 2020 წლის არჩევნებში ჩარევის მცდელობას, ავღანეთში ამერიკელი ჯარისკაცების მოკვლასა და SolarWinds-ზე კიბერთავდასხმას. აღნიშნული გადაწყვეტილების შესახებ თეთრ სახლში დღეს, 15 აპრილს განაცხადეს.

ახალი ბრძანებულებით, რომელსაც ხელი ამერიკის შეერთებული შტატების პრეზიდენტი, ჯო ბაიდენი აწერს, 14 ივნისის შემდეგ ამერიკული დაწესებულებები რუსეთის ცენტრალური ბანკის, რუსეთის ფინანსთა სამინისტროსა და ეროვნული კეთილდღეობის ფონდისგან ობლიგაციების ყიდვას ვეღარ შეძლებენ.

გარდა ამისა, სახელმწიფო დეპარტამენტმა რუსეთის ორმხრივი მისიიდან 10 ოფიციალური პირს გააძევა. განცხადებაში ნათქვამია, რომ სანქციების მიზანი, მსგავსი ქმედებებისთვის რუსეთის რესურსების შემცირებაა.

დოკუმენტში, ნახსენებია, აგრეთვე, რუსი ოპოზიციონერი, ალექსეი ნავალნი, რომელიც დღემდე პატიმრობაში იმყოფება. ამერიკამ ნავალნის პატიმრობაში ყოფნასთან დაკავშირებით კვლავ შეშფოთებას გამოთქვამს და მის უპირობო გათავისუფლებას მოითხოვს.