ტელეკომპანია რუსთავი 2-ის მხარდასაჭერი აქციის გამო დღეს, 14 საათიდან აქციის დასრულებამდე რუსთაველის გამზირის ნაწილზე ტრანსპორტი ვერ გადაადგილდება. შეზღუდვა ჭანტურიას ქუჩიდან თავისუფლების მოედნამდე მონაკვეთს შეეხება. ამის შესახებ On.ge-ს შსს-ს პრესსამსახურმა აცნობა.

დანიშნულების ადგილზე მოხვედრა ალტერნატიული გზებით იქნება შესაძლებელი.

დღეს 14:30 წუთზე თბილისში, საქართველოს პარლამენტის შენობასთან ტელეკომპანია რუსთავი 2-ს აქცია იმართება. პროტესტის ნიშნად არხმა ეთერში გადაცემების პროგრამების განთავსება 17 თებერვალს შეწყვიტა.

ფოტო: ფოტო გუგლის რუკიდან/On.ge