ამერიკელმა პოპვარსკვლავმა, არიანა გრანდემ, პრეზიდენტ დონალდ ტრამპის ადმინისტრაციას მოუწოდა, რომ შეწყვიტონ მისი მუსიკის გამოყენება საკუთარი პოლიტიკის პოპულარიზაციისთვის.

განცხადება მას შემდეგ გავრცელდა, რაც თეთრმა სახლმა TikTok-ზე საიმიგრაციო პოლიტიკასთან დაკავშირებული ვიდეო გამოაქვეყნა. ვიდეოში, რომელშიც ასახულია, როგორ აკავებენ ფედერალური აგენტები ადამიანებს, ფონად მომღერლის 2024 წლის ჰიტი, Bye, ისმის.

გრანდემ თეთრი სახლის ვიდეოს კომენტარებში დაწერა: "გთხოვთ, არასოდეს გამოიყენოთ ჩემი მუსიკა ამ ბარბაროსულ, არაადამიანურ და ამაზრზენ სისულელეებთან დაკავშირებით".

ფოტო: People

მომღერლის გუნდმა ვიდეოდან არიანას სიმღერა უკვე წაშალა.

არიანა გრანდეს თეთრი სახლის პრესსპიკერმა, ებიგეილ ჯექსონმა უპასუხა: "ბოლოჯერ ვიტყვით: ბარბაროსული, არაადამიანური და ამაზრზენი რეალურად ის კრიმინალი არალეგალი უცხოელებია, რომლებმაც ამერიკის უდანაშაულო მოქალაქეები დააზიანეს და დახოცეს".

არიანა პრეზიდენტის ადმინისტრაციას გასულ წელსაც აკრიტიკებდა. მან ინსტაგრამზე გამოქვეყნებულ პოსტში ტრამპის ამომრჩევლებს კითხვით მიმართა — გაუმჯობესდა თუ არა მათი ცხოვრება მას შემდეგ, რაც დონალდ ტრამპი ოფისში დაბრუნდა.

იხილეთ ვიდეო:

@whitehouse

Bye-bye 👋 President Trump has delivered the most secure border in history

♬ original sound - The White House

თავად აშშ-ს პრეზიდენტი სოციალურ ქსელებში აქტიურობით გამოირჩევა. მისი გუნდის წევრები პოპულარული სიმღერების ფონზე მსგავს მოკლე ვიდეოებს ხშირად აქვეყნებენ.

ზოგიერთ ასეთ ვიდეოში ასახულია ტრამპის მკაცრი საიმიგრაციო რეფორმები, აშშ-ის სამხედრო ოპერაციები ირანის წინააღმდეგ და ვენესუელის ყოფილი პრეზიდენტის, ნიკოლას მადუროს დაკავება.

ასევე იხილეთ: