თურქეთის პრეზიდენტმა რეჯეფ თაიფ ერდოღანმა სომხეთის პრემიერმინისტრ ნიკოლ ფაშინიანს საპარლამენტო არჩევნებში გამარჯვება მიულოცა. ამის შესახებ ინფორმაციას სომხეთის პრემიერმინიასტრის აპარატი ავრცელებს.

თურქეთის ლიდერმა ნიკოლ ფაშინიანს მთავრობის მესამედ ფორმირებაში წარმატებები უსურვა და რეგიონში ხანგრძლივი მშვიდობის დამყარების საქმეში მისი სტრატეგიული ხედვის მიმართ მხარდაჭერა გამოხატა.

"ჩემი ხალხისა და პირადად ჩემი სახელით, გულწრფელად გილოცავთ თქვენი პარტიის, სამოქალაქო შეთანხმების წარმატებას 2026 წლის 7 ივნისს სომხეთის რესპუბლიკაში გამართულ საპარლამენტო არჩევნებში და გისურვებთ წარმატებებს მთავრობის მესამედ ფორმირებაში.

სრულად ვარ დარწმუნებული, რომ თქვენი სტრატეგიული ხედვა რეგიონში ხანგრძლივი მშვიდობისა და სტაბილურობის დამყარებისა და ამ მიმართულებით აუცილებელი თანამშრომლობის უზრუნველყოფის შესახებ, წარმატებით დასრულდება.

გამოვიყენებ შესაძლებლობას და კიდევ ერთხელ გისურვებთ ჯანმრთელობასა და კეთილდღეობას, ხოლო სომეხ ხალხს — პროგრესსა და ბედნიერებას", — აღნიშნულია მილოცვაში.